1. Savol: Internetga (optik tolali) ulanish yuzasidan kimga murojaat qilishim kerak?

Javob: “Oʻzbektelekom” AKning tumandagi telekommunikatsiya bogʻlamasiga hamda qisqa 1080 raqamli “Ishonch telefoni”ga murojaat qilishingiz mumkin!

2. Savol: Internetga ulanish yuzasidan shartnoma imzolanganidan soʻng necha kunda internet ulab beriladi?

Javob: 10 ish kunida internetga ulanish amalga oshiriladi!

3. Savol: Internet ishlamasligi boʻyicha kimga murojaat qilsam boʻladi?

Javob: “Oʻzbektelekom” AKning qisqa 1084, Oʻzkomnazorat inspeksiyasining qisqa 1144 raqamli telefonlariga hamda abonentlarga internet xizmatini koʻrsatuvchi operatorning CALL markaziga murojaat qilishingiz mumkin!

4. Savol: Pochta indeksini qayerdan bilishim mumkin?

Javob: “Oʻzbekiston pochtasi” AJning pochta.uz – sayti orqali aniqlash mumkin!

5. Savol: Internetga ulanish tezligini va xizmat sifatini oʻzim qanday aniqlashim mumkin?

Javob: Internet xizmatini koʻrsatuvchi operatorlarning veb-saytlarida joylashtirilgan internet tezligi va sifatini oʻlchovchi veb-servislar yordamida oʻlchash mumkin.